Od utorka ponovo jeftinije sve vrste goriva

Piše: Objavljeno: 09/09/2022
featured image

Foto: Ilustracija, pixabay

Sve vrste goriva od utorka će pojeftiniti, potvrdilo je “Danu” više izvora iz naftnih kompanija.

Prema do sada poznatim parametrima, cijena eurosupera će biti niža za devet centi i koštaće 1,26 eura po litru, eurosuper 98 će pasti za osam centi na 1,31 euro, dok će eurodizel biti jeftniji za dva do tri centa. Tačan iznos smanjenja cijene za eurodizel znaće se u ponedjeljak, kada Ministarstvo kapitalnih investicija (MKI) objavljuje nove cijene na osnovu svih dostupnih parametara za obračun.

Litar eurodizela trenutno košta 1,58 eura. Prije dvije sedmice dizel je poskupio 12 centi.

Lož ulje će kao i eurodizel pasti za dva do tri centa i sada košta 1,78 eura po litru. Prije dvije sedmice je poskupilo 11 centi po litru.

Još je ostalo da se u obračun unesu parametri za jedan dan, i kako naši izvori tvrde, neće se puno promijeniti u odnosu na dosadašnje stanje, već će samo odrediti tačnu cijenu pada za naftne derivate.

Nove cijene naftnih derivata će stupiti na snagu od utorka u ponoć, a objaviće ih MKI u ponedjeljak.

Naredni obračun će biti 26. septembra, a eventualno izmijenje cijene naftnih deroivata će stupiti na snagu od 27. septembra.

Creative
Kolumne
Ostalo
Posao
Vijesti
Skip to content