U Podgorici se mijenja elaborat o parking zonama što znači da će početi naplata parkiranja na još 526 parking mjesta na novim parkinzima. Oni će pripadati trećoj zoni, te će po satu vozači parkiranje plaćati 40 centi, a najviše će moći da ga koriste tri sata. Samo će stanari zgrada, na čiju inicijativu su novi parkinzi i zonirani, moći kupiti mjesečnu kartu za šest eura i parkirati 24 sata, piše Dan.
Od sada će se parkiranje naplaćivati na parkingu u dvorišnom dijelu Ulice Svetozara Markovića koji ima 267 parking mjesta, te u Ulici Đečevića gdje je 21 mjesto, kao i u dvorišnom dijeli Ulice Mitra Bakića gdje su urađena 52 mjesta.
Takođe, naplata parkiranja vršiće se i u Moskovskoj ulici ispred And 1 gdje je pet parking mjesta i u dvorišnom dijeli Ulice Velimira Terzića gdje je građanima ponuđeno 61 parking mjesto.
Kao i do sada naplaćivaće se parkiranje u Ulici Omladinskih brigada gdje ima 57 parkinga, Moskovskoj gdje je osa i Dalmatinskoj ulici kod TC Bazara gdje ima 15 parking mjesta. Svi oni od sada će biti u trećoj zoni.
Po izmijenjenom elaboratu opšta i posebna parkirališta biće organizovana u dvije umjesto u jednoj zoni kako je to do sada bilo. Tako će u drugoj zoni biti šest parking mjesta u Ulici 19. decembra.
